La cent paŝoj estis la distanco inter domoj de Peppino Impastato kaj Tano Badalamenti, la granda mafiulo, kvazaŭ posedanta la tutan sicilian urbeton Cinisi. La filmo estas la vera historio de Peppino Impastato, maldekstra aktivulo, kiu fine de 70-aj jaroj, kiam preskaŭ neniu aŭdacis paroli pri mafio, kaj la politikistoj ne akceptis ĝian ekziston, mulfoje publike kondamnadis la krimojn de Badalamenti kaj la tutan mafian sistemon, uzante ironiajn elsendojn de la loka radiostacio.