Mula sa producers ng James Bond films, sinusundan ng 007: Road to a Million ang siyam na magkakapares sa isang mala-Bond na pakikipagsapalaran sa buong mundo. Sampung tanong ang pumapagitna sa magkapatid na sina James at Joey at sa £1,000,000 sa pagte-trek nila sa Scottish Highlands. Naghihintay ang pamilyar na Rolls Royce, karera sa Venice, at nakakasabik na engkuwentro sa isang Italian palazzo.

Nakaligtas ang Bone brothers sa pagharap nila sa isang boa constrictor sa Venice, pero sapat ba ang mga tamang sagot nila para makuha ang £25,000 ng Controller? Umaasa ng mas magandang kinabukasan ang mag-asawang sina Kamara at Josh pero masusubukan ng isang nakakatakot na pag-akyat ang takot ni Josh sa matataas na lugar at maaaring tuldukan nito ang pangarap nilang manalo ng £1,000,000.

Ang susunod na mga kalahok ng Controller ay ang emergency nurses na sina Beth at Jen. Dahil sa karanasan nila sa mga ospital at digmaan, maaga nilang napatunayang mahirap silang banggain. Meron nang £50,000, pagkatapos ang pakikipagsapalaran nila sa Venetian lagoon, dinala naman ang Bone brothers sa gitna ng malupit na kagubatan ng Amazon.

Ang Atacama Desert sa Chile ang isa sa mga pinakamapanganib na lugar sa mundo at ang susunod na palaruan ng Controller para kina Kamara at Josh. Nagpakahirap sila sa gitna ng init, desperadong makuha ang £100,000 para mas makalapit sila sa £1,000,000. Dadalhin sila nito sa isang di inaasahang biyahe sa gitna ng disyerto, hinahamon ang sikap at lakas nila, sa pisikal at mental.

Makikita sa umaatikabong episode na ito ang mga natitirang pares sa ilan sa mga pinakasikat na lokasyon sa mundo – sa mga bubungan ng Venice, mga mataong bazaar ng Istanbul, at pagtalon sa umaandar tren sa isang disyerto sa Chile. Nagpahinga sandali ang Bone Brothers sa mga buhangin ng Jamaica bago ang isang epikong paghahanap sa isang bangka at sa £200,000 na tanong.

Milya-milya mula sa kinalakihan nilang di-nakaaangat na buhay, sa baybayin ng Jamaica, kinakaharap ng Bone Brothers ang £200,000 na tanong nila. Papunta sina James at Sam sa sa isang abandonadong bayan para sagutin ang isang tanong na labas sa mundong ito. Kasunod ng pakikipagsapalaran nila sa bulkan, susuungin nina Kamara at Josh ang maputik na latiang puno ng buwaya sa Black River ng Jamaica.

Sa disyerto, ang £1,000,000 na premyo ay nakasalalay sa kaalaman ng dalawa sa paglalakbay sa kalawakan. Sa Kingston, Jamaican, isang pares ang naglayag tungo sa isang freight ship. Ang natitirang mga pares ay hinaharap ang £300,000 na tanong. Inanyayahan sila ng Controller sa sosyal at ekslusibong casino sa private villa sa Jamaica. Kailangan nilang sumugal para sa pinakamahirap na tanong.

Tatlong pares ang natitira sa eksplosibong huling episode ng 007: Road to a Million. Matapos ibaba sa tuktok ng Swiss Alps, hinarap ng mga pares ang mahirap na lakbay sa daang gabaywang ang lalim ng niyebe patungo sa isang yelong lawa. Nilagyan ng mga pampasabog ng Controller ang lalagyan ng tanong. Ang gagawin para magpatuloy, barilin ito pababa bago sumabog o matatapos na ang paglalakbay nila.